তুইও কা নাঙে ঝরি যর কিজেনি
তহ্ নিলোজ ঝরফুদো ঝরি ছড়া গঙার অহ্ধন
ঠেগা অরিঙ্যা কাজলঙ পার ধোয় কা সিধু যাদন, কধে—
মহ্ মন চাগালা
ভিজ্যা ভিজ্যা অহ্দে অহ্দে দেঙ ভাঙি যার
চিদ্যা চিদ্যা ধুজ খেয় গুল তুলিহ্ পাক্ খার এগামার
বেগেইয়ে বারিজে, যা নাঙে ঝরি যর, মুই নয় সিব্যা; তোগা—
লাঙ্যে লাঙোনি
রাঙামাত্যা স্টেডিয়াম গ্যালারিত জুর বধাদন ঠুত্
বয়ারহ্' ঝলগে লাঙ্যে গাল চুমি যার উরোঙ উরোঙ লাঙোনির চুল
বেগেইয়ে বারিজে, তহ্ নিলোজ ঝরফুদো সিদু ঝরানা গরজ; ঝর—
ভুইবলা নুয়ারাম
মালেয়ে ডাক্যে এক পাড়া, জুমোত তার ধানকাবা
বারিজে তুই পিজ্ দি থাক, বেলহ্ ছদক্কান মেলি থাক
বেগেইয়ে নগালিজ তা সিধু, ঝর নফেলেজ একফুদো; অবহ্—
মন্তব্যসমূহ: