গাভুরি গাভুর অ

চোঘো লেজে রিনি চা

চুলান'রে ক উড়িহ্ যা

পিছ্যা ফিরি এক পাক্ দে

খিল জদানি লহ্ আহ্দে

সুনি সা তুই কান্ খুলি

বয়্যারহ্ ঝলগার কধা'নি

ঝর ফুদো'গুন চা ধরিহ্

ডো মেলী দে আত্তানি

নিঘিল ঘরত্তুন গঙ ডাঙর

সাজ লামোনিত ছিদ্যা পহর

কালা চোগোত কি রাঙা ডর

ঘর চিগোন তর মন ডাঙর

ডর নাই কালা দেবাত

মুত ধরহ্ তর অজল আহ্দ

কান ন'দিজ গঙমারোনি ছন্নভাজ

ডো মেলি উড়ি যা— যিদু তুই যেধ' সাজ

গঙান তর যমহ্ দোল

ত দোলে অলহ্ মনান ওল

এক বারিজেত তুই ভিজে

ত তিরোজে নেই মন থিদে

খুলি গোজাঙ চিত ঘিলে

এক নাঙে তুই মন দিলে

চোঘো ভাজ তুই একখেব বুঝ

জুর জুর থেঙে বাভেই খুচ