২৫লাখ বজর আগলইত্ত্যে আফ্রিকার পুগেন্দি থেদাক Australopithecus নাঙর পুরোনি বর বান্দর জাত্ত্যে(Primal Ape) পরানবলা। সিগুনোত্তুন Evolve(বিবর্তন) অইন্যে পুরোনি মুনিচ্ছোর-উন(primitive man) পিত্তিমিত ভেদা দোন। খালিক সেকখে পুরোনি মুনিচ্ছোর-উন লাখ লাখ বাবত্যে পরানবলালোই একলগে এলাক, তারাত্তুন কনকিত্যেন্দি যুদো ন’এলাক। ২০লাখ বজর আগলইত্ত্যে পুরোনি মুনিচ্ছোর'উনোর এককোঅ দল, পুগো আফ্রিকা ইরিন্যেই নানান কিত্যা লদ্ দিলাক। সিগুনে উত্তর আফ্রিকা, ইউরোপ আর এশিয়াত যে যিন্নি পায় এগযা সিদি গেলাক,সে জাগানিত যুদো যুদো Climate-অ গদিয়ে নানান বাবত্যে Species(প্রজাতি) ইযেপ্যে আরহ্ Evolve অ’লাগ।
Species-উনোর Evolution(বিবর্তন)-আন তা যেরে তে, তা যেরে তে গরি উজু সুরুঙ গরি অইয়্যে ধরি ল’লে এক্কান ভুল অয়, সিয়্যেন ভালকজনে গরন; যেন্- Homo ergaster-এ জনম দিয়্যে Homo erectus; Erectus-অত্তুন জনম ল্যইয়োন Neanderthal; Neanderthal-অত্তুন আমি, মানে Homo sapiens-উন এচ্ছেই। এবাবত্যে উজুচ্ছে মডেল-এ ধল্লে, আমার এক্কান ভুল অনুমান এযে, ইয়্যেন ভিলিনেই- পিত্তিমিত এক অক্তত এককোঅ গরি মুনিচ্ছোর-অ Species এলাক। খালিক আজলান অত্তে, ২০লাখ বজর আগলইত্ত্যেত্তুন ধরিনেই ১০আজার বজর আগলইত্ত্যেও পিত্তিমিত একখান অক্তত একসমারে এককোঅ-তুন বেজ মুনিচ্ছোর-অ Species খুজ দি বেরেয়োন। ইক্ক্যে শিয়েল, কুগুর, বাঘ, ভালুক, শুগর-অর এককোঅ-তুন বেজ Spacies একসমারে আমি পিত্তিমিত দেঘির; তে মুনিচ্ছোর অর কিত্তেই নেই? বেক্কুন কিত্তেই Homo sapiens?
এইচ্চেত্তুন ১লাখ বজর আগলইত্ত্যেও কম গরিনেই ৬’বু মুনিচ্ছোর-অ Species একসমারে পিত্তিমিত এলাক। এশিয়ার পুগে থেদাক মুনিচ্ছোর-অ এককোঅ Species- ‘Homo erectus’। Erectus অলদে পিত্তিমি বুগোত বেগত্তুন বেজ তিগি থেইয়ে Species; তারা ২০লাখ বজর-অ কাজাকাইচ্চ্যে পিত্তিমিত বেরেই যেইয়্যোন। এ রেকর্ড'আন অ’লে মুনিচ্ছোর-অর কন Species এ ভাঙি পাত্তাক নয়। আমি Homo Sapiens-উন মুজুঙে ১ আজার বজর তিগি ন’তিগি উদো নেই, ২০লাখ বজর-অ পদ আহ্দানা আমা সেদাম’অ বারাহ্!
‘Homo soloensis নাঙে এককোঅ Species, ইন্দোনেশিয়ার জাভা Island-অত tropical climate-অত তিগি থেইয়োন। ইন্দোনেশিয়ার আর এককোঅ চিগোন Island, Flores-অত পুরোনি মুনিচ্ছোর-অ এককোঅ দল যদবইত্ত্যে বাক্কন গরিনেই Evolve অইয়োন। সে দল-লোঅ যেকখে সিদু যেইয়োন সেক্কে সাগরান তলে এলহ্। Ice Age অর থুমেন্দি যেক্কে ইউরেশিয়া বরফ-আনি গলিনেই সাগরান বাজ্জে, সেকখে সে মুনিচ্ছোর-উন সে দাঙদাঙয়ে ভিদেবোত বানাহ্ যেইয়োন। বর মুনিচ্ছোর-উন যিগুনোর খানা-দানা বেজ লাগে, সিগুন মরি যান, তারা ধারানে চিগোন মুনিচ্ছোর-উন বাজি থান। Generation-অ যেরে Generation ধরিনে সে Process-অ ভিদিরেদি যাদে যাদে তারা অ’লাক বাক্কন মুনিচ্ছোর। এ মুনিচ্ছোর-উন, সায়েন্টিস্ট’লগে যিগুনোরে নাঙ থোই দোন Homo floresiensis, তারা আলাজে এক মিটার লাম্বা আহ্ ভরে ২৫কেজি-তুন বেজ ন’এলাক। বাক্কন অলেও পাত্থর লোই নানাক্কান জিনিস বানে পাত্তাক, অক্ত অক্ত এহ্দ ও শিগের গত্তাক, এনে সে ভিদেবো এহ্দ-উনো বাক্কন এলাক।
পুরোনি মুনিচ্ছোর-অ যে দাক্কো ইউরোপ-অত যেনেই বা বাইন্ন্যোন তারা সিদু Evolve অইন্যেই Homo neanderthalensis অইয়োন। তারারে উজু উজু Neanderthal (নিয়ান্ডার্থাল) নাঙে দাগিই। ইউরেশিয়াত থেইয়ে Neanderthal-উন Ice Age(বরফ যুগ)-অর Climate-অত দরহ্ মরহ্ গরি Adapt ওই পাইজ্জোন। তারা Sapiens-অ ধারানে ক্যেয়েদি দাঙর আহ্ রদেবলে এলাক।
Neanderthal-উনোর চাঙসারা লুগানাত Sapiens-উনোর আহ্ত আগে ভিলিনে মনে গরা অয়। ৪০-অত্তুন ধরি ৬০আজার বজর আগলইত্ত্যে ইউরোপ ওত Homo sapiens-উন ভেদা দে ধজ্জোন। সে অক্তত Sapiens আহ্ Neanderthal-উন ধাগাধাক্যে থেইয়োন। খালিক Sapiens-উন Neanderthal-অ ধারানে বুদ্দিশুদ্দি বলা (Intelligent) অনায় আহ্দ’ বিদ্যেত দরহ্ মরহ্ ওই উত্তোন। তিগি থানাত্তেই Neanderthal আহ্ Sapiens-উনো ভিদিরে দাঙর competition লাগি যায়। Neanderthal-উন Sapiens-অ ধারানে পো’ছা ল’না/ফুদানাত কাবিল ন’এলাক। সে গদিয়ে Neanderthal-উনো ধারানে Sapiens বারিহ্ যেইয়োন। এনে এনে Neanderthal-উন তিগি থানা দুমুরোত Sapiens-উনোত্তুন অঘুর পিচ্ছে পজ্জোন। সে বাদেও Sapiens-উন Neanderthal-অ থেবার জানানি গজক গরি লো ধজ্জোন সে অক্তত। Neanderthal-উন অয় যেইয়োন অভা অভা কবা কবা। এনে এনে Sapiens-অ লগে তিগি নপারি Neanderthal-উন বজ গেলাক।
২০১০ সালত, সায়েন্টিস্ট’লগে সাইবেরিয়ার ডেনিসোভা Island-অত এককোঅ গাদত এককোঅ মুনিচ্ছোর-অ আঙুলো Fossil পেইয়্যোন। Genetic analysis গরিনে দেঘা গেলহ্ সিভে এযাবত উদো পেইয়ে কনহ্ মুনিচ্ছোর-অ Spacies ওর নয়। নুঅ সুপ্ পেয়ে এ Species-অরে নাঙ থোয় দোন “Homo denisova”। কন্না খবর্ পায়, আর কধক মুনিচ্ছোর-অ Species-ও ফেলে যেইয়্যে মারা লুগি আগে কন গাদত, কন জারহ্ সেরে।
যকখে, ইউরোপ আর এশিয়াত মুনিচ্ছোর উনোর Evolution চলের, সেকখে পুগো আফ্রিকাত-ও Evolution-অ ছড়া শুগেই ন’যায়। মুনিচ্ছোর-অ মা জাগা’নে জনম দি যেয়্যে এককোঅ যেরে এককোঅ নুঅ নুঅ Species; Homo rudolfensis, Homo ergaster, বেগহ্ যেরে আমা Species, যিয়ুনে লাজন্যেয়ে গুরি আমা নাঙ থোয়েই Homo sapiens, জ্ঞানী মুনিচ্ছোর।
বিদি যেয়ে ১০আজার বজর ধরি, sapiens-উনে নিজোরে পিত্তিমিত বেরেয়্যে গাই এককোঅ মুনিচ্ছোর অর Species ইযেপ্যে দেঘি দেঘি এযান আক্কেঙ অইয়োন যে, যুদো কন বাবত্যে Possibility-র কল্পনা গরানা তারাত্ত্যেয় আগাত্ত্যে অইয়্যে। আমা মুনিচ্ছোর-উনোর যুদো Species-উনোর তিগি ন’থানা/ন’পারানা আন ইয়্যেন ধরি ল’দে যুত গরি দিয়্যে- আমি অত্ত্যেই এ সংসারর আগমলি, বাগিহ্ পরানবলা-উনোত্তুন আমি ব’জান যুদো!
চার্লস ডারউইনে যকখে কলধে Homo Sapiens-ও বাগিহ্ পরানবলা-উনো ধক এককোঅ পরানবলা বানাহ্, মুনিচ্ছোর-উনোত্তুন সেকখে আগুনে পানিয়ে রাগ উদি গেল্। এভসং, এক দাগিয়ে সে অত্তান গজি ল’বার ন’সান। যুনি Neanderthal-উনে তিগি যেদাক? সেকখেও কি আমি আমারে বস্তু জগদত্তুন যুদো, Best Creation মনে গরিলোঙউন?
Homo Sapiens সিদি পত্ত্যে সলাত তারা মুওত পজ্জ্যে যুদো Species-উন ভজ যানা পিচ্ছে গদি ইযেবে কাম গইজ্জে কিজু বিষয়; Competitive Exclusion (সম্পত্তির প্রতিযোগিতা), Interbreeding, নুঅ রোগ ব্যাধি এ জাগাত আজল গদি ধরা যায়।
বেগহ্ পইল্ল্যে, Competitive Exclusion-অ কধা ধরিলে আমি দেঘিদেই Sapiens-উন রদেবলে ন’অলেও আহ্দ’ বিদ্যেত দরহ্ মরহ্ অনায়, নানান বাবত্যে নুঅ নুঅ আত্ত্যের বানেদাক আর শিগের গরিবের নুঅ উবোয় নিগিলেই শিগের গত্তাক। থেবার জাগা কম অনায়, Climate বদলানা লগে লগে খানাদানার জুগোল এযানা আহ্ শিগেরত Sapiens অ লগে বুরেই ন’এযানায় যুদো Species-উন উবোয়সারা ওয় পজ্জোন।
আহ্ বেগত্তুন অজার গদি ইযেপ্যে ধরি পারি Sapiens-অর লগে আন্যে নুঅ নুঅ ব্যাক্টেরিয়া আহ্ ভাইরাস অত্তুন অইয়্যে রোগ ব্যাধিনি, Sapiens-উন সে রোগকানিত তিগি থেবার অজন Adapt অলেও বাগিউনে সেনিত তিগি নপারন, সেনে Sapiens-উন তারা কুরে যানা লগে লগে বেজভাগ অসুগোত পরি মরি যেইয়্যোন।
সে যেরে যকখে যুদো Species-উনো কুরেকাজে Sapiens উনে থা ধজ্জোন সেকখে তারা সিগুন্দোই বানা যুযধো ন’গরন, সে লগে লগে, সিগুন্দোই মিলিনেই পো’ছা লো ধজ্জোন (Interbreeding); এনেবাদে লুগি যাঙ যাঙ গরি থেইয়্যে মুনিচ্ছোর অ species-উন সিঙুরিনেই Sapiens-অ লগে মিজিনেই লুগি যেয়োন। এভসঙ আফ্রিকা বারে মুনিচ্ছোর-উনোর DNA-ত ১ - ২% Neanderthal-অ Gene, আহ্ এশিয়ার কিজু জাগার মুনিচ্ছোর-অ ভিদিরে Denisova-র Gene পা’যায়।
আহ্ আরেক্কান গদি ইযেবে ধরা যায় Sapiens-অর দরহ্ মরহ্ Communication skill। যেন কামত লাগেনেই তারা দলুন অদাক বিরেত বিরেত, সে জাগাত যুদো Species-উন থেদাক সিনেসিনন্যে, লাগা লাগা, দলত কম কম গরি।
Sapiens-অর দুজ থোক ন’থোক, বিজক ঘাদিনেই ইয়ান দেঘা যেইয়্যে- যকখে তারা নুঅ নুঅ জাগাত যেইয়্যোন সিত্তুন যুদো Spacies-উন চাংসারা লুঘি যেইয়্যোন। Homo soloensis-অর শেজ্ মাজারা পা’যায়দে ৫০আজার বজর আগলইত্ত্যে। Homo denisova ভজ যেইয়্যোন সিত্তুন বজরমুলো যেরে। Neanderthal-উন Sapiens-অ লগে ন’তিগি বুরুজ উত্তোন ৩০আজার বজর আগলইত্ত্যে। Flores Island-অ বাক্কন্ন্যে দাগির চাঙসারা লুগি গেলহ্ ১২আজার বজর আগলইত্ত্যে।
চাঙসারা লুগি যিয়ে মুনিচ্ছোর-অ Spacies-উনে ফেলে গেলাক কিজু আরকোরা, কিজু পাত্থর'অ আত্ত্যের, আমার DNA-ত কিজু Gene, আর ফেলে গেলাক অসাগর পুজোর, যিয়ানির কন মেত্ এভসঙ নেই। ফেলেই যেইয়্যোন পিত্তিমিত এগাতাত্যে মুনিচ্ছোর-অ Spacies, Homo Sapiens!
মন্তব্যসমূহ: