মিলে দোল

কালাচান, 

কধে তুই কন মিলেবো দোল?

রাঙাপান্যে যেবার সলাত দেঘেয় দিন্যেই

যে মিলেবো, তুই কজ 'ধক নাই'—  সিবে দোল

চোখ তুলি তুই রিনি চাজ যে মিলেবোর গালত 

বিজিরে ঘামে লিব্যা যেয়্যেহ্ চুল এক লাদি— সিবে দোল

জুম কাবা আজের অয়'নে যে কালামালা মিলেবো

বজিহ্ আঘে মোন'ঘর ইজোরত— সিবে দোল

গুরো কহ্রত পানি খুম মাধাত গরিহ্

মুরো উধের যে মিলেবো— সিবে দোল

অলি ডাগি দের্ চিজিরে দিবুচ্যা মাধান 

কান সুঘ গরিহ্ যে মিলেবো— সিবে দোল

বনরুবোত তোন-পাত বেজদে বেঙা কধা সুনি

বাঙাল্যারে গেল্ দের যে মিলেবো— সিবে দোল

সুমুরি থয় যত্তন গরিহ্ যে মিলেবো 

নুঅ পিনোন খাদিয়ানি— সিবে দোল

যে কাবিল মিলেবো 

সজপহ্ধর লারচার গরেহ্— সিবে দোল

ধলাচান, জুন পরানে গেল্যে রেদোত কয়েধে

যে মিলেবোর মনরাঙা— সিবে দোল