অ'লে মুই মানেয় নয়

অ’লে মুই মানেয় নয়, মানেয়’লক জুদো

আহ্দি পারন, বই পারন, এ ঘরত্তুন ও ঘরত যান

মানেয়’লক জুদো, লদি বেরেলে দুমুর মারন

অ’লে মুই মানেয় নয়, দিন্নো ধরি থিগ্যেই মরং

গাচ্ছো ধক্কেন থিগ্যেই মরং।

লদি বেরেলে উদো ন’পাঙ, ফিলিম চেইন্যে গীত ন’গাঙ

ভালকবিলোন, বরফগুল্যে পানি ন’খাঙ।

কিঙিরি ত্যুও আগঙ বাজি, আগঙর ছবি

বেইন্ন্যে পোত্ত্যে, দিবুচ্ছ্যে রোদত আমক গরি

দিন্নোই গোদা আগঙ বাজি ম ইযেপ্যে। আমক গরি।

অ’লে মুই মানেয় নয়, মানেয় অলে জদা থে’দ

গিরিত্তি থেদ, ঘর থে’দ

রেদোত ঘরত মিলে থে’দ

পে’দ গভিনোত মর ছ আগে’ধ।

অ’লে মুই মানেয় নয়,

মানেয়  অ’লে আগাজ রিনি আজিম কিত্ত্যে?

মানেয়’লক জুদো, আহ্ত থে’ব, নাক থে’ব

ত ধক্কেন দিবে চোখ থে’ব

পন্ পন্ কি দোল চোখ থে’ব

কোজপেবার কধা দিলে কথা রাগে’ব।

মানেয় অ’লে দাবানা গরাত দাগ থে’দ

চোগও গভিনোত ধুত থে’দ

বাপ থে’দ, বোন থে’দ

কোজপেবার এককোঅ মানেয় থে’দ

আবাদা মরিবের দর থে’দ ।

অ’লে মুই মানেয় নয়

মানেয় অ;লে তরে ল্যনেই কবিদে রজানা

আর ন’ধ, তরে ইরিন্যেই রেত গঙেনে

বাজি থানা আর ন’ধ।

মানেয়’লগে লদি বেরে দুমুর মারন

খালিক, সাপ দে’লে মুই উজে যাঙ

ফেলাসেলায় মানেয় ভিলি আজা বদাঙ।

মূলঃ আমি হয়তো মানুষ নই, নির্মলেন্দু গুণ