সেদিন্ন্যে মরি গেলুঙ
যেক্ক্যে দেক্কোঙ, মোনমুরো কেয়্যেত
বচজদার চিদিরে ছাবা, শুনিলুঙ
আদিবাসী মিলের মরাকিজেক, দেগিলুঙ
উন্নয়নর গঙারত ভাজি যেয়্যে জুম্মো গিরিত্তিবলার ঘর
দেগিলুঙ সেটেলার’ কাবনিত
বাব-মা আরেইয়্যে গুরোর একফুদো
আমাত্ চোগোপানি
বেই পড়িনেই ভিজেল’ মোনমুরো
চিত্তি'চরে বুগোত লন্যেই
মু চিবি ধজ্জে মা'বোর দি চোগো ডর- দেগিলুঙ
আদামচুবি দিয়ে'লগর উজো উজো রেঙ
জাবেই সিদিরে বুন্দুগো আবাজ- শুনিলুঙ
হালা বচজদার লাধিত বেঙা ওইয়্যে
দুচ-ন্যেয়ে কেয়্যের হ্ঙানি বাজি আগে’ কানত,
সেটেলারুন আদাম বেড়েই যানা যেরে
পরি থেয়্যে বুড়ো মিলের আঙুরি কেয়্যে লিবা যেয়্যে চোগোত
রবার কোম্পানির আগুনলুরোত বেক আহ্জেয়্যে ম্রো'গুনোর
মু ডরঃ গরি এঝাল(!) গঝি ন'লোই নঃখেয় থানা দেগিলুঙ
সে আগলত্যে আহ্ সে যেরে দেগিলুঙ কধক কি-
চিতনেয়্যেহ্ বেক অজাবিন কামানী আদিবাসীউনোর উগুরে
তুও মুই মু ন খুলং, অলর রোয়্যং, নহ্ লামং রাজপধত,
নহ্ ধরং প্ল্যাকার্ড – ম্হুত নহ্ ভিরং আহ্ত
নহ্ লেঘং কিচ্ছু – রয়্যং ন'মাদি ন'বুলি
বাজি থেনেয়্য– মুই সেদিন্ন্যে যেয়্যং মরি
কিত্থে ভিলি, মত্থুন বেচ এ মুরোহ্ত
এককোঅ্ ঝার’ফুলর দাম আঘে,
তে ফুদি আঘে নুও বদলর
লারেয়র দাগোনি অয়ন্যে
মন্তব্যসমূহ: