সা সা, পাকাতি কেজান নুও বো সান
নুও সাজে সাজি আগে ম নাঙে;
সা সা, কেজান রোদ'অ ছদক আজিহ্ ওই
ঝরি যার খুও ভিজে মাদে মাদে
ফুল ফুদি যাদন গাজহ্ ডেলায় ডেলায়
অসাগর র'লোই রেঙ উদের জুরোজারা রিজেবত
ওহ্ পিত্তিমি, ওহ্ বেল, ওহ্ সুঘ তুমিও
ফুদি উদোহ্ মানেয়ও বুগে বুগে
ওহ্ মর আইল্যাঙ, এহ্ল মুরো উগুরে ভাজিহ্ থেয়ে
রাঙচ্যা মেঘঃ সান ভাজিহ্ থাক ম চিদো আদেকাজে
ফুলে ফুলে তুজিম ওক ম জিঙকানির খালখাল্যে বাম
ওহ্ ম কোজপানাবি, ম গভীন আইল্যাঙ
কধক দোল গরি ফুদি আগে ত দি চোগোর
ত দিভে নীল নীল চোগোর গভিনোত; মুই কোজপাঙ তরে
থিক যেন, উড়বো চিলে কোজপায় নীলরঙা আগাজ সান,
থিক যেন, বেইন্যে ফুলে কোজপায় সোনারঙ আগাজঃ তুমবাজ
তুই মরে দিয়োজ গাবুরোর বেঘ তুমবাজ,
লো ফুদোর উম গঙেয় সেনত্যায় মুই কোজপাঙ
ম সুঘে, ম কোজপানার সুঘে
ইথার্নাল সুঘ গজি'ল কোজপানাবি
মূলঃ Maifiest , Goethe
মন্তব্যসমূহ: